Bougainville Referendum Commission

Bougainville Referendum Commission
PNG Electoral Commissioner Patilias Gamato na ABG Electoral Commissioner George Manu i sainim wanpla agriman (Credit: ABC)
PNG Electoral Commissioner Patilias Gamato na ABG Electoral Commissioner George Manu i sainim wanpla agriman (Credit: ABC)

Radio Australia – Deputi speaker blong Autonomous Bougainville gavman itok emi hamamas tru long wok em tupla  gavman blong Papua New Guinea na Bougainville i mekim long kamapim commission blong lukautim na redi-im wok blong indipendans referendum long Bougainville.

Francesca Semoso i mekim despla toktok bihaen long ol gavman ofisa blong National gavman na Autonomous Bougainville gavman ibin lonchim Bougainville Referendum Commission aste long Port Moresby.

Oli tok bikpla wok blong despla Commission em blong redi-im despla referendum long  2019 blong save sopos Bougainville bai lusim Papua New Guinea oa nogat.

Despla wok emi bihaenim tu ol as tingting blong Bougainville peace agreement em oli bin sainim long 2001.

Oli bin kamapim peace agreement bihaenim ol bikpla fait namel long ol pipal blong Bougainville na PNG Gavman we moa long 20 tausan pipal ibin dai long en.

Share this post